പോസ്റ്റല്‍ ഡിവിഷനില്‍ ഇന്‍ഷുറന്‍സ് ഏജന്റ് നിയമനം നടത്തുന്നു

പോസ്റ്റല്‍ ഡിവിഷനില്‍ ഇന്‍ഷുറന്‍സ് ഏജന്റ് ജോലി ഒഴിവുകൾ, പത്താം ക്ലാസ്സ്‌ യോഗ്യതയിൽ ജോലി നേടാം

അന്നത്തെ മദ്രാസ് സർക്കിളിനെ വിഭജിച്ച് 1961 ജൂലൈ 1 ന് കേരള പോസ്റ്റൽ & ടെലിഗ്രാഫ് സർക്കിൾ രൂപീകരിച്ചു. 1951 ഏപ്രിൽ 1-ന് ഇന്ത്യൻ തപാൽ ഓഫീസുകളുമായി സംയോജിപ്പിക്കുന്നതിന് മുമ്പ്, മുൻ തിരുവിതാംകൂറിലും കൊച്ചിയിലും 'അഞ്ചൽ സർവീസ്' എന്ന പേരിൽ പ്രത്യേക തപാൽ സംവിധാനങ്ങൾ ഉണ്ടായിരുന്നു. അഞ്ചൽ സർവീസ് സംസ്ഥാനത്തിനകത്ത് ആശയവിനിമയം നടത്താൻ മാത്രമുള്ളതായിരുന്നു. ഇന്ത്യൻ പി & ടി ഡിപ്പാർട്ട്മെന്റിന് ഈ സംസ്ഥാനങ്ങളിൽ സ്വന്തമായി പോസ്റ്റുകളും ടെലിഗ്രാഫ് ഓഫീസുകളും ഉണ്ടായിരുന്നു. 'അഞ്ചൽ സർവീസ്' സംയോജിപ്പിച്ചതിന്റെ ഫലമായി, നിലവിലുള്ള എല്ലാ അഞ്ചൽ ഓഫീസുകളും ഒന്നുകിൽ അടുത്തുള്ള ഇന്ത്യൻ പോസ്റ്റോഫീസുകളിലേക്ക് സംയോജിപ്പിക്കുകയോ അല്ലെങ്കിൽ അതേ സ്ഥലത്ത് പോസ്റ്റ് ഓഫീസുകളായി പുനർനിർമ്മിക്കുകയോ ചെയ്തു.

പാലക്കാട് പോസ്റ്റല്‍ ഡിവിഷനില്‍ പോസ്റ്റല്‍ ലൈഫ് ഇന്‍ഷുറന്‍സ്/ഗ്രാമീണ പോസ്റ്റല്‍ ലൈഫ് ഇന്‍ഷുറന്‍സ് വിപണനത്തിനായി കമ്മീഷന്‍ വ്യവസ്ഥയില്‍ നിയമനം. 18 നും 50 നും മധ്യേ പ്രായമുള്ള തൊഴില്‍രഹിതര്‍, സ്വയംതൊഴില്‍ ചെയ്യുന്ന യുവതീയുവാക്കള്‍ തുടങ്ങിയവരെ ഡയറക്ട് ഏജന്റ് ആയാണ് നിയമിക്കുന്നത്. അപേക്ഷകര്‍ പത്താം ക്ലാസ് പാസായിരിക്കണം. പാലക്കാട് പോസ്റ്റല്‍ ഡിവിഷന്‍ പരിധിയില്‍ സ്ഥിര താമസമുള്ളവരായിരിക്കണം.

മുന്‍ ഇന്‍ഷുറന്‍സ് ഏജന്റുമാര്‍, ആര്‍.ഡി ഏജന്റ്, വിമുക്തഭടന്മാര്‍, കമ്പ്യൂട്ടര്‍ പരിജ്ഞാനമുള്ളവര്‍ എന്നിവര്‍ക്ക് പരിഗണന.

അപേക്ഷകള്‍ ബയോഡേറ്റ (മൊബൈല്‍ നമ്പര്‍ സഹിതം) വയസ്, യോഗ്യത, മുന്‍ പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകള്‍ സഹിതം ദ സീനിയര്‍ സൂപ്രണ്ട് ഓഫ് പോസ്‌റ്റോഫീസ്, പോസ്റ്റല്‍ ഡിവിഷന്‍, പാലക്കാട്-678001എന്ന വിലാസത്തില്‍ മെയ് 29 നകം അയക്കണം. തെരഞ്ഞെടുക്ക പ്പെടുന്നവര്‍ 5000 രൂപയുടെ എന്‍.എസ്.സി/കെ.വി.പി ആയി സെക്യൂരിറ്റി ഡെപ്പോസിറ്റ് കെട്ടിവെയ്ക്കണം. നിലവില്‍ മറ്റേതെങ്കിലും ഇന്‍ഷുറന്‍സില്‍ പ്രവര്‍ത്തിക്കുന്നവരെ ഈ ഒഴിവിലേക്ക് പരിഗണിക്കില്ലെന്ന് സീനിയര്‍ സൂപ്രണ്ട് അറിയിച്ചു. ഫോണ്‍: 9744050392.